ऑगस्टमध्ये भारताची विमान वाहतूक क्षमता १.५ टक्क्यांनी घटली: ओएजी अहवाल

विमान वाहतूक संशोधन संस्था ओएजीच्या आकडेवारीनुसार ऑगस्ट महिन्यात भारताची देशांतर्गत आणि आंतरराष्ट्रीय विमान वाहतूक क्षमता मागील वर्षीच्या तुलनेत १.५ टक्क्यांनी कमी झाली आहे. यात आंतरराष्ट्रीय क्षमतेत ३.३ टक्के तर देशांतर्गत क्षमतेत ०.६ टक्क्यांची घट झाली आहे.

कमी दरात सेवा देणाऱ्या कंपन्यांचा बाजारपेठेतील हिस्सा ६९ टक्के असून त्यांच्याकडे १.६३ कोटी जागा आहेत. यात वार्षिक आधारावर १.६ टक्क्यांची घसरण झाली आहे. पूर्ण सेवा देणाऱ्या विमान कंपन्यांची क्षमता १.२ टक्क्यांनी घटून ७२ लाख जागांवर आली आहे. इंडिगोने १.१७ कोटी जागांसह ५० टक्के बाजारपेठेतील हिस्सा कायम राखला आहे. दुसरी मोठी कंपनी असलेल्या एअर इंडियाची क्षमता ४.२ टक्क्यांनी घटून ३३ लाख जागांवर आली आहे. एअर इंडिया एक्स्प्रेसने ८.४ टक्के तर स्पाइसजेटने १६.६ टक्क्यांनी आपली क्षमता कमी केली आहे. याउलट आकासा एअरची क्षमता २.८ टक्क्यांनी वाढली आहे.

आंतरराष्ट्रीय मार्गांचा विचार करता संयुक्त अरब अमिरातीचा मार्ग सर्वाधिक व्यस्त राहिला असला तरी त्यात ४ टक्क्यांची घट झाली आहे. या मार्गाचा वाटा एकूण बाजारपेठेच्या १५ टक्के आहे. सौदी अरेबियाच्या मार्गावर ७ टक्क्यांची वाढ झाली तर थायलंडच्या मार्गावर २१ टक्क्यांची घसरण झाली आहे. युनायटेड किंगडमच्या मार्गावर २५ टक्क्यांची वाढ नोंदवली गेली असून तो पाचवा सर्वाधिक व्यस्त बाजारपेठ ठरला आहे.