દિલ્હી કેપિટલ્સના ક્રિકેટર અભિષેક પોરેલના જામીન નામંજૂર, ૧૪ દિવસની જ્યુડિશિયલ કસ્ટડી

ટૂંકમાં સમાચાર

હૂગલીની ચિનસુરાહ ડિસ્ટ્રિક્ટ કોર્ટે શુક્રવારે દિલ્હી કેપિટલ્સ અને બંગાળના વિકેટકીપર-બેટર અભિષેક પોરેલના જામીન નામંજૂર કર્યા છે. આ ૨૩ વર્ષીય ક્રિકેટર પર દુષ્કર્મનો આરોપ છે અને કોર્ટે તેમને ૧૪ દિવસની જ્યુડિશિયલ કસ્ટડીમાં મોકલી આપ્યા છે. ત્રણ દિવસના પોલીસ રિમાન્ડ પૂરા થયા બાદ તેમને કોર્ટમાં રજૂ કરવામાં આવ્યા હતા. કર્ણાટકની એક મેડિકલ વિદ્યાર્થિનીએ ૨૩ જૂનના રોજ મોગરા પોલીસ સ્ટેશનમાં એફઆઈઆર દાખલ કરી હતી. જેમાં ભારતીય ન્યાય સંહિતાની વિવિધ કલમો હેઠળ દુષ્કર્મ, જાનથી મારી નાખવાની ધમકી, ગેરકાયદેસર રીતે ગોંધી રાખવા, છેતરપિંડી તેમજ આઈટી એક્ટની કલમો લગાવવામાં આવી છે. હૂગલી ગ્રામ્યના પોલીસ અધિક્ષકે જણાવ્યું હતું કે પોરેલ સામેના મોટાભાગના આરોપો બિનજામીનપાત્ર અને સંવેદનશીલ છે. ક્રિકેટરે તમામ આરોપોને નકારી કાઢ્યા છે.

આ આદેશ અગાઉ પોરેલની આગોતરા જામીન અરજી ફગાવી દેવામાં આવી હતી તે પછી આવ્યો છે. ૨૧ જુલાઈએ કલકત્તા હાઈકોર્ટે તેમને તાત્કાલિક કસ્ટડીમાં લેવા અને તેમના ઇલેક્ટ્રોનિક ઉપકરણો જપ્ત કરવાનો આદેશ આપ્યા બાદ સોમવારે ઈમામી સિટીમાંથી તેમની ધરપકડ કરવામાં આવી હતી.