डोનલ્ડ ટ્રમ્પ-મોદી સંબંધથી ભારત-અમેરિકા સંબંધ મજબૂતઃ રુબિયો

અમેરિકાના વિદેશમંત્રી માર્કો રુબિયોએ ભારતના 80મા સ્વતંત્રતા દિવસ પર શુભેચ્છા પાઠવતાં કહ્યું કે રાષ્ટ્રપતિ ડોનલ્ડ ટ્રમ્પ અને વડાપ્રધાન નરેન્દ્ર મોદી વચ્ચેનો અંગત સંબંધ દ્વિપક્ષીય સંબંધોને પહેલાં કરતાં વધુ મજબૂત બનાવે છે. શુક્રવારે એક નિવેદનમાં રુબિયોએ જણાવ્યું કે બંને દેશો વચ્ચેની મૈત્રી અને પારિવારિક સંબંધો એક એવી ભાગીદારીને મજબૂત કરે છે જે નવીન, સ્થિતિસ્થાપક અને ભવિષ્યલક્ષી છે.

રુબિયોએ સંરક્ષણ, ઊર્જા સુરક્ષા, મહત્વપૂર્ણ ખનિજો, કૃત્રિમ બુદ્ધિમત્તા, અવકાશ સહયોગ અને વાણિજ્યને એવા ક્ષેત્રો તરીકે ગણાવ્યા જ્યાં ભારત-અમેરિકા સહયોગ બંને રાષ્ટ્રો અને વ્યાપક હિંદ મહાસાગર ક્ષેત્રને વધુ સુરક્ષિત અને સમૃદ્ધ બનાવી રહ્યો છે. અમેરિકાના અનેક રાજ્યોએ 15 ઓગસ્ટને ‘ભારત દિવસ’ તરીકે જાહેર કર્યો છે, જે ભારતીય ડાયસ્પોરાના વધતા યોગદાનને ઉજાગર કરે છે.