ട്രംപ്-മോദി ബന്ധം ഇന്ത്യ-യുഎസ് ബന്ധം ശക്തമാക്കി: റുബിയോ

ഇന്ത്യയുടെ 80-ാം സ്വാതന്ത്ര്യദിനത്തിൽ അമേരിക്കൻ വിദേശകാര്യ സെക്രട്ടറി മാർക്കോ റുബിയോ ഇന്ത്യയ്ക്ക് ആശംസകൾ നേർന്നു. പ്രസിഡന്റ് ഡൊണാൾഡ് ട്രംപും പ്രധാനമന്ത്രി നരേന്ദ്ര മോദിയും തമ്മിലുള്ള വ്യക്തിബന്ധം ഇരുരാജ്യങ്ങളും തമ്മിലുള്ള ബന്ധം എക്കാലത്തേക്കാളും ശക്തമാക്കിയെന്ന് അദ്ദേഹം പറഞ്ഞു. വെള്ളിയാഴ്ച പുറത്തിറക്കിയ പ്രസ്താവനയിൽ, ഇരുരാജ്യങ്ങളും തമ്മിലുള്ള ആഴത്തിലുള്ള സൗഹൃദവും കുടുംബബന്ധവും നവീകരണത്തിലും പ്രതിരോധത്തിലും ഭാവിയിലേക്കുള്ള കാഴ്ചപ്പാടിലും അടിസ്ഥാനമായ പങ്കാളിത്തത്തിന് കരുത്തേകുന്നുവെന്ന് റുബിയോ കൂട്ടിച്ചേർത്തു.

പ്രതിരോധം, ഊർജ സുരക്ഷ, നിർണായക ധാതുക്കൾ, കൃത്രിമബുദ്ധി, ബഹിരാകാശ സഹകരണം, വാണിജ്യം എന്നിവ ഇരുരാജ്യങ്ങളെയും ഇന്ത്യൻ മഹാസമുദ്ര മേഖലയെയും സുരക്ഷിതവും സമ്പന്നവുമാക്കുന്ന മേഖലകളായി റുബിയോ പട്ടികപ്പെടുത്തി. ഓഗസ്റ്റ് 15 ‘ഇന്ത്യാ ദിന’മായി ആചരിക്കുന്ന പ്രമേയങ്ങൾ നിരവധി അമേരിക്കൻ സംസ്ഥാനങ്ങൾ പുറത്തിറക്കിയിട്ടുണ്ട്. ഇന്ത്യൻ പ്രവാസികളുടെ വർധിച്ചുവരുന്ന സംഭാവനയെ ഇത് എടുത്തുകാണിക്കുന്നു.