ലഡാക്ക് പുസ്തകോത്സവം; പുരാതനവും ആധുനികവും തമ്മിൽ ബന്ധിപ്പിക്കുന്നു: എൽജി

ലഡാക്ക് ലഫ്റ്റനന്റ് ഗവർണർ വിനയ് കുമാർ സക്സേന വെള്ളിയാഴ്ച ലേയിൽ ഒൻപതു ദിവസത്തെ ലഡാക്ക് പുസ്തകോത്സവം ഉദ്ഘാടനം ചെയ്തു. നാഷണൽ ബുക്ക് ട്രസ്റ്റ്, ലഡാക്ക് ഭരണകൂടം, ഇന്ത്യൻ ആർമി എന്നിവർ ചേർന്നു സംഘടിപ്പിക്കുന്ന ഈ പരിപാടി, പുസ്തകങ്ങളും വൈവിധ്യമാർന്ന സാഹിത്യ പാരമ്പര്യങ്ങളും പ്രദേശത്തേക്കു കൊണ്ടുവരാൻ ലക്ഷ്യമിടുന്നു. 75 പ്രസാധകരുടെ സ്റ്റാളുകളിൽ ഹിന്ദി, ഇംഗ്ലീഷ്, ഉറുദു, ലഡാക്കി, മറ്റു ഇന്ത്യൻ ഭാഷകളിലെ പുസ്തകങ്ങൾ പ്രദർശിപ്പിച്ചിട്ടുണ്ട്.

ഉദ്ഘാടന വേളയിൽ സംസാരിച്ച സക്സേന, പുരാതന ജ്ഞാനത്തെ ആധുനിക ആശയങ്ങളുമായി ബന്ധിപ്പിച്ചുകൊണ്ട്, ബൗദ്ധിക കൈമാറ്റത്തിന്റെ നൂറ്റാണ്ടുകൾ പഴക്കമുള്ള ലഡാക്കിന്റെ പാരമ്പര്യം ഈ ഉത്സവം മുന്നോട്ടു കൊണ്ടുപോകുന്നുവെന്നു പറഞ്ഞു. പ്രദേശത്തിന്റെ ഭൂമിശാസ്ത്രപരമായ വിദൂരതയും കടുത്ത ശൈത്യവും ഉണ്ടായിരുന്നിട്ടും, ഈ പരിപാടി ഇന്ത്യയുടെയും ലോകത്തിന്റെയും മറ്റു ഭാഗങ്ങളിലേക്കുള്ള ഒരു ബൗദ്ധിക പാലമായി പ്രവർത്തിക്കുന്നുവെന്ന് അദ്ദേഹം ചൂണ്ടിക്കാട്ടി. വായനയുടെയും ആജീവനാന്ത പഠനത്തിന്റെയും മൂല്യം കണ്ടെത്താൻ ഈ ഉത്സവം യുവാക്കളെ പ്രോത്സാഹിപ്പിക്കുന്നു, ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നു.