ராணிப்பேட்டையில் பிஹெச்இஎல் சார்பில் 80-வது சுதந்திர தின விழா கொண்டாட்டம்

ராணிப்பேட்டையில் உள்ள டாக்டர் பி.ஆர். அம்பேத்கர் நூற்றாண்டு விழா மைதானத்தில் பிஹெச்இஎல் நிறுவனத்தின் 80-வது சுதந்திர தின விழா சனிக்கிழமை நடைபெற்றது. பிஹெச்இஎல் நிறுவனத்தின் நிர்வாக இயக்குனர் எம். அருண்மொழி தேவன் தேசியக் கொடியை ஏற்றி வைத்து பணியாளர்கள் மற்றும் அவர்களது குடும்பத்தினரிடையே உரையாற்றினார். சுதந்திரத்திற்காகப் போராடிய தியாகிகளை கௌரவிக்கவும் நாட்டின் விழுமியங்களை நினைவுகூரவும் இந்த நாள் முக்கியமானது என்று அவர் குறிப்பிட்டார்.

அதனைத் தொடர்ந்து நிறுவனத்தின் வளர்ச்சிக்கு முக்கியப் பங்காற்றிய பணியாளர்களைப் பாராட்டி அவர்களுக்கு விருதுகளையும் சான்றிதழ்களையும் எம். அருண்மொழி தேவன் வழங்கினார் என்று அந்நிறுவனம் வெளியிட்டுள்ள செய்திக் குறிப்பில் தெரிவிக்கப்பட்டுள்ளது.